06-72:1 Smyrill

Smyrill er íslenskt sexraða yrki, þekkt fyrir góða uppskeru og fljótan þroska. Þrátt fyrir það skríður hann seint (á 79.degi), sem er sjö dögum síðar en Vertti, þremur en Judit og einum degi seinna en Brage. Hann nær samt fyrr fullum þroska sem skilar sér í hærra þurrefnishlutfalli við uppskeru en hjá flestum öðrum sexraða yrkjum. Smyrill er meðal hár (~73 cm), stendur vel og brotnar lítið. Hann er þó viðkvæmur fyrir vindi og hrun úr axi getur verið áberandi, sérstaklega vegna þess hve fljótt hann þroskast.